របៀបធ្វើ នំក្រូចក្រឡុកស្ករស

• គ្រឿងផ្សំ
• ម្សៅអង្ករដំណើប ៣០០ ក្រាម
• ម្សៅអង្ករខ្សាយ ៥ ស្លាបព្រាបាយ
• ស្ករស ៥ ស្លាបព្រាបាយ
• ខ្ទិះដូង ១ ចានធ្វើឲ្យនំកាន់តែមានរសជាតិឆ្ងាញ់ ឫ ប្រើទឹកក៏បាន
• ស្ករស ១ ចានចង្កឺះ (ទុកដាក់ក្រឡុកខាងក្រៅ)
• គ្រឿងផ្សំស្នូលនំ
• សណ្តែកលឿង ២៥០ ក្រាម (ត្រាំទឹក ២ ម៉ោង ចំហុយឲ្យឆ្អិន)
• ប្រេងឆា ៤ ស្លាបព្រាបាយ
• ស្លឹកខ្ទឹមហាន់ ២ ស្លាបព្រាបាយ
• ខ្ទឹមក្រហម ១ ដុំចិញ្ច្រាំ
• អំបិល កន្លះស្លាបព្រាកាហេ្វ
• ស្ករស ៤ ស្លាបព្រាបាយ
• វិធីធ្វើ
• មុនដំបូងយកម្សៅអង្ករដំណើប, ម្សៅអង្ករខ្សាយ, ស្ករស និង ខ្ទិះដូង លាយចូលគ្នាកូរឲ្យទៅជាម្សៅ
• ពេលក្លាយជាម្សៅហើយច្របាច់ ឫ នួតវារួចទុក ១០ ទៅ ១៥ នាទី ឲ្យចូលជាតិខ្ទិះដូង
• យកប្រេងឆាដាក់ចូលក្នុងឆ្នាំងខ្ទះ​ រួចដាក់ខ្ទឹមក្រហមឆាឲ្យ ឈ្ងុយដាក់ស្លឹកខ្ទឹម, សណ្តែកចំហុយ, ស្ករស និងអំបិលឆាចូលគ្នាឲ្យស្អិតដាក់ទឹក (ធ្វើស្នូលនំ)
• យកស្នូលនំមកលុញជាដុំមូលតូចៗ ល្មម បន្ទាប់មកយកម្សៅ ១ ដុំស្មានមើលឲ្យត្រូវជាមួយស្នូលធ្វើឲ្យសំប៉ែត រួចដាក់ស្នូលនំពីលើបិតម្សៅឲ្យជិតស្នូលលុញឲ្យមូល
• បន្ទាប់ពីធ្វើរួចរាល់ហើយ យកវាទៅដាក់ចៀនឲ្យឆ្អិនស្រង់ទុកសិន
• យកស្ករសដាក់ចូលក្នុងឆ្នាំង ដាក់ទឹកចូលបន្តិចកូរឲ្យស្កររាងស្អិតដាក់នំដែលចៀនឆ្អិន ចូលក្រឡុក ឫក៏កូរឲ្យស្ករជាប់ជាមួយនំឲ្យស្ងួតជាការស្រេច៕