របៀបធ្វើ បង្អែមបាញ់ឌុក

• គ្រឿងផ្សំ
• ម្សៅអង្ករខ្សាយ​ ១៥០ ក្រាម
• ម្សៅឆា ១៥០ ក្រាម
• ទឹកស្លឹកតយ (ស្លឹកតយ ៥ ទៅ ១០ សន្លឹក , ទឹក ១០៨០ មីលីលីត្រ)
• អំបិល ១ ស្លាបព្រាកាហ្វេ
• ល្ងរលីង ដាក់តាមការចូលចិត្ត
• វិធីធ្វើ
• ដំបូងយកឆ្នាំងមកដាក់ម្សៅអង្ករ, ម្សៅឆា, អំបិល និងទឹកស្លឹកតយ រួចកូរចូលគ្នាឲ្យសព្វ
• បន្ទាប់មកយកមកដាក់លើភ្លើងកូរ (ត្រូវកូររហូត) ២ ទៅ ៣ នាទីដំបូងដាក់ភ្លើងខ្លាំង បន្ទាប់មកទៀតដាក់ភ្លើងក្តៅល្មមបានហើយ កូរប្រហែលជា ២០ ទៅ ២៥ នាទី។
• ២៥ នាទី នំបានឆ្អិន លើកវាយកមកចាក់ដាក់ក្នុងថាសវៀសវាឲ្យស្មើ រួចហើយទុកឲ្យត្រជាក់
• បន្ទាប់ពីនំបានត្រជាក់យកមកកាត់ជាដុំៗ តាមដែលចង់បាន​ ហើយយកវាមកញាុំជាមួយទឹកស្ករ និងខ្ទិះដូងរោយល្ងរដាក់ពីលើ។
• វិធីធ្វើ ទឹកស្ករ
• ស្ករត្នោតដុំ ៤៥០ ក្រាម, ទឹក ៣៦០ មីលីលីត្រ, អំបិល បន្តិច, ខ្ញី ១ ដុំចិតបន្ទះៗ ដាក់ចូលក្នុងឆ្នាំងទាំងអស់ ដាក់ដាំឲ្យពុះ បន្ថែមម្សៅឆា ១ ស្លាបព្រាបាយ កូរវាបន្តិចទៀតជាការស្រេច។
• វិធីធ្វើ ទឹកខ្ទិះដូង
• ខ្ទិះដូង ៤៨០ មីលីលីត្រ, ស្ករស ១ ស្លាបព្រាបាយ, អំបិល កន្លះស្លាបព្រាកាហ្វេ, ម្សៅឆា ១ ស្លាបព្រាបាយ ដាក់ចូលក្នុងឆ្នាំងទាំងអស់កូរវាឲ្យសព្វយកវាដាក់ដាំឲ្យពុះជាការស្រេច៕