ទោះមានទំនុកចិត្តថាមិនមានគ្រោះថ្នាក់ ក៏មិនត្រូវធ្វើបែបនេះចំពោះកូននោះដែរ ព្រោះវាធ្វើឱ្យក្មេងភ័យខ្លាច ដោយសារសម្លឹងមកក្រោមឃើញខ្ពស់ឆ្ងាយសម្លឹម ដែលបុរសជាឪពុកម្នាក់បានចាប់ក្របួចអាវកូនយួរចេញទៅក្រៅបង្អួចអគារខ្ពស់នៅជាន់ទី ១៥ ដើម្បីថតរូបយកទៅបង្ហោះនៅលើហ្វេសប៊ុក តែទីបំផុតត្រូវបានតុលាការកាត់ទោសឱ្យជាប់ពន្ធធនាគារ ។
បើតាមប្រភពបានឱ្យដឹងថា បុរសជាឪពុកជនជាតិអាល់ហ្សេរី មិនត្រូវបានគេបង្ហាញអត្តសញ្ញាណម្នាក់នេះ បានថតរូបភាព និង វីដេអូឃ្លីបមួយពីសកម្មភាពចាប់ទាញក.អាវកូនតូចរបស់ខ្លួនសំយ៉ុងចេញទៅក្រៅបង្អួចអគារជាន់ទី ១៥ ដែលមានកម្ពស់ជាង ៤៥ ម៉ែត្រពីដី មើលទៅគួរឱ្យស្រៀវបំផុត ដើម្បីថតបង្ហោះចែកចាយលើបណ្តាញសង្គមហ្វេសប៊ុក ចង់បានចំនួន Like ច្រើន ។
បុរសជាឪពុកខាងលើបានសរសេររៀបរាប់យ៉ាងខ្លីមួយនៅខាងក្រោមរូបថត និងវីដេអូឃ្លីបថា «សុំ ១,០០០ Like បើមិនដូច្នេះទេ ខ្ញុំនឹងទម្លាក់គេទៅដី» ។ អ្នកលេងបណ្តាញសង្គមជាច្រើន ក្រោយពីបានឃើញសកម្មភាពដ៏គួរឱ្យរន្ធត់ចិត្តនេះភ្លាម ក៏បានរាយការណ៍ទៅកាន់អាជ្ញាធរមូលដ្ឋានក្នុងតំបន់នៃរដ្ឋធានី Algiers ដើម្បីចាត់វិធានការ ។
ខណៈមានការទទូចចង់បានពីសំណាក់អ្នកលេងអ៊ីនធើណែតជាច្រើនដែលទាមទារឱ្យប្បាប់កាត់ទោសបុរសជាឪពុករូបនេះ ទីបំផុតបុរសជាឪពុកដែលគេស្គាល់ថាមកពីទីក្រុង Bab Ezzouar ត្រូវបានតុលាការសម្រេចផ្តន្ទាទោសឱ្យជាប់ពន្ធធនាគាររយៈពេល ២ ឆ្នាំ ។
គួរបញ្ជាក់ថា ហេតុការណ៍នេះ បានកើតឡើងកាលពីថ្ងៃច័ន្ទ ទី ១៩ មិថុនា ឆ្នាំ ២០១៧ កន្លងទៅក្នុងរដ្ឋធានី Algiers ប្រទេសអាល់ហ្សេរី ។ ចំពោះវីដេអូឃ្លីបដែលត្រូវបុរសជាឪពុកខាងលើបង្ហោះចែកចាយនោះ ត្រូវបានលុបចោលដោយសារខុសគោលការណ៍របស់ក្រុមហ៊ុនហ្វេសប៊ុក ។
សូមរំឭកថា កាលពីប្រហែល ២០ ឆ្នាំមុន មេ្តចចម្រៀងប៉ុបដ៏ល្បីឈ្មោះរបស់អាមេរិក ម៉ៃឃើល ចេកសាន់ ក៏ធ្លាប់ជាប់គុកដោយសារទ្វើប្រហាក់ប្រហែលគ្នានេះដែរ គឺចាប់ក្មេងជន្លចេញទៅក្រៅបង្អួច ក្នុងលក្ខណៈលេងសើច ក៏ត្រូវឪពុកម្តាយរបស់ក្មេងប្តឹងឱ្យតុលាការកាត់ទោសជាប់គុកជាច្រើនឆ្នាំ ៕
0 comments:
Post a Comment