របៀបធ្វើ បង្អែមអាម៉ុកខ្នុរ

• គ្រឿងផ្សំ
• សាច់ខ្នុរ ១ ចានចិតជាចំណិត
• ខ្ទិះដូង ២០០ មីលីលីត្រ
• ស៊ុត ១០ គ្រាប់
• អំបិល ចុងស្លាបព្រាកាហ្វេ
• ស្ករស ១៥០ ក្រាម
• គ្រាប់ខ្នុរ កន្លះចាន យកសំបកចេញចិតស្តើងៗ
• ស្លឹកចេក កាច់បត់ ឫ ដាក់ក្នុងកូនចានក៏បាន
• ខ្ទិះដូង ៣០០ មីលីលីត្រ, ម្សៅអង្ករ កន្លះស្លាបព្រាកាហ្វេ, អំបិលបន្តិច, ស្ករស កន្លះស្លាបព្រាកាហ្វេ លាយចូលគ្នាទុកដាក់ពីលើ
• វិធីធ្វើ
• មុនដំបូងយកស៊ុតមកគោះដាក់ចូលក្នុងចានរួចវាយឲ្យបែក
• យកអំបិល, ស្ករស និងខ្ទិះដូងដាក់ចូលរួចហើយកូរវាឲ្យរលាយចូលគ្នាបានសព្វល្អ (ត្រូវចំណាយពេលយូរបន្តិចបើមិនមានម៉ាស៊ីន)។
• បន្ទាប់មកយកគ្រាប់ខ្នុរ និងសាច់ខ្នុរដាក់លាយកូរចូលជាមួយគ្នាដែរ។
• បន្ទាប់ពីលាយរួចរាល់ហើយយកវាដាក់ចូលក្នុងស្លឹកចេកដែលកាច់បត់​រួច ឬក៏ក្នុងចានក៏បាន ប៉ុន្តែកុំឲ្យពេញដាក់តែកន្លះបានហើយ។
• បន្ទាប់ពីដាក់ក្នុងស្លឹកចេក ឬក៏កូនចានរួចហើយយកវាទៅដាក់ចំហុយ ៣ ទៅ ៤ នាទី។
• យកខ្ទិះដូងដែលលាយទុកមកដាក់ពីលើ ១ ស្លាបព្រាបាយ ម្តងមួយៗ រហូតទាល់តែអស់ បន្ទាប់មកទុក ៥នាទីទៀតឆ្អិនជាការស្រេច៕