របៀបធ្វើ នំដំឡូងបំពង

• គ្រឿងផ្សំ
• ដំឡូងបារាំង ២ ដុំ
• ស៊ុត ៤ គ្រាប់ (យកពណ៌លឿង)
• ម្សៅអង្ករ កន្លះចាន
• កំទេចនំប័ុង ១ ចាន
• អំបិល បន្តិច
• ប៊ឺរ២ ស្លាបព្រាបាយ
• ម្រេច បន្តិច
• ប្រេងឆា ១ ចាន (បំពង)
• វិធីធ្វើ
• ដំបូងយកដំឡូងដាក់ស្ងោរប្រហែលជា ៣០ នាទី បន្ទាប់មកយកវាលាងទឹកទុកឲ្យត្រជាក់
• បន្ទាប់ពីត្រជាក់បកសំបកចេញ ដាក់ចូលទៅក្នុងចានរួចហើយដាក់ ប៊ឺរ, អំបិល និង ម្រេច រូចវាយវាឲ្យបែក
• យកស៊ុត ២ គ្រាប់គោះដាក់ចាន (យកតែពណ៌លឿង) ចូលកូរវាចូលគ្នាទាំងអស់ឲ្យសព្វរួចគ្របគំរបយកដាក់ចូលក្នុងទូរទឹកកកទុកប្រហែល ២ ម៉ោង
• បន្ទាប់ពីយកចេញពីទូរទឹកកកត្រូវយកវាមកធ្វើជាដុំមូលតូចល្មម (១ស្លាបព្រាបាយ) ឫ តាមដែលចង់បាន
• ពេលដែលធ្វើបានហើយយកវាមកប្រឡាក់ជាមួយម្សៅ ស៊ុត ( ២គ្រាប់គោះដាក់ចានលាយអំបិលបន្តិច) និង កំទេចនំប័ុងរួចយកទៅដាក់បំពងឲ្យឆ្អិនឡើងក្រហមជាការស្រេច៕