របៀបធ្វើ ការីត្នោត

• គ្រឿងផ្សំ
• សាច់មាន់ ៣ គីឡូកន្លះ (កាត់ធំល្មម)
• ត្នោត ១៥ ផ្លែ (ចិត ឫ ឈូសស្លើងៗ)
• ម្ទេសឆ្អើ ២ ខាំ ចិញ្ច្រាំឲ្យម៉ត់
• ដូងទុំ ២ គីឡូក្រាម
• ទឹកត្រី ៥ ស្លាបព្រាបាយ
• អំបិលគ្រួស ៥ ស្លាបព្រាបាយ
• ម្សៅស៊ុប ២ ស្លាបព្រាបាយ
• ស្ករត្នោត ៩ ស្លាបព្រាបាយ
• ប្រេងឆា ៤ ស្លាបព្រាបាយ
• គល់ស្លឹកគ្រៃ ១០ ដើម
• រំដេង ១​ ខាំ
• ស្លឹកក្រូច ៦សន្លឹក
• ល្មោត ៣ ឫ ៤ ដុំ
• ខ្ទឹមស និង ខ្ទឹមក្រហម ២​ ខាំ
• កាពិ ១​ ខាំ
• របៀបធ្វើ
• យកគល់ស្លឹកគ្រៃ រំដេង ល្មៀត ស្លឹកក្រូច និង ខ្ទឹមសក្រហមបុកជាមួយគ្នាឲ្យម៉ត់ល្អ សឹមដាក់កាពិចូលបុកជាមួយគ្នាឲ្យសព្វ។
• យកត្នោតដែលចិតរួចទៅស្ងោ​ ១០ នាទី រួចស្រង់ដាក់កញ្ច្រែង លាងទឹកឲ្យស្អាតច្របាច់ឲ្យស្ងួតទឹក។
• យកដូងមកពូត ទុកក្បាលខ្ទិះ ១ លីត្រ និង ចុងខ្ទិះ ៥ ទៅ ៦ លីត្រ។
• ដាក់ឆ្នាំងឲ្យក្តៅ ដាក់ប្រេងឆាចូលទុកឲ្យក្តៅសឹមដាក់ម្ទេសឆ្អើចូលឆាឲ្យក្រហមល្អ (ប្រហែល ២ នាទី) រួចដាក់គ្រឿងបុកចូលឆា ៣នាទី ទៀត សឹមដាក់គ្រឿងផ្សំរសជាតិទាំងអស់ឆាឲ្យសព្វល្អប្រហែល ៣នាទីទៀត សឹមដាក់ក្បាលខ្ទិះពាក់កណ្តាលចូលឆាជាមួយគ្រឿងប្រហែល ៣នាទីទៀត។
• ដាក់សាច់ចូលឆាជាមួយគ្រឿងឲ្យសព្វ នឹងដាច់ទឹកប្រហែល ១០នាទី។
• ដាក់ត្នោតចូលឆាជាមួយសាច់ឲ្យសព្វ រំងាស់ឲ្យដាច់ទឹកចេញពីត្នោត ប្រហែល ១០នាទី។
• ដាក់ចុងខ្ទិះចូលទាំងអស់រំងាស់ឲ្យពុះ និង ឆ្អឹនសាច់ល្អ។
• ចាក់ក្បាលខ្ទិះដែលនៅសល់ចូល (កុំកូរ) ទុកឲ្យពុះជាការស្រេច៕

ចំណាំ​៖ សម្លនេះអាចញាុំជាមួយបាយ ឫ នំបញ្ចុក ។