របៀបធ្វើ ស្ងោជ្រក់ត្រយោងចេក

• គ្រឿងផ្សំ
• មាន់ ១ក្បាល
• ខ្ទឹមស ៥កំពឹស (ដំឲ្យត្រប៉ែត)
• ត្រយោងចេក ២
• ទឹកត្រី ១ ស្លាបព្រាបាយ
• អំបិល ១ ស្លាបព្រាបាយ
• ស្ករ ២ ស្លាបព្រាបាយ
• ប៊ីចេង ១ ស្លាបព្រាកាហ្វេ
• ស្លឹកជីនាងវង ស្លឹកខ្ទឹម ជីបន្លា និងតាំងអោ (ហាន់ល្ទិតៗ)
• ម្ទេស ៥ គ្រាប់ (ហាន់ល្ទិតៗ)
• ក្រូចឆ្មា តាមចំណូលចិត្ត
• របៀបធ្វើ
• ដាំទឹកឲ្យពុះ ដាក់អំបិលប្រហែលកន្លះស្លាបព្រាកាហ្វេ និង ខ្ទឹមសចូល សឹមដាក់មាន់ចូល ទាំងមូល ស្ងោឲ្យឆ្អឹងប្រហែល ៣០ នាទី។
• យកត្រយោងចេក កាន់ជាបួន រួចយកដុំនិមួយៗពុះជា ពីរ សឹមហាន់ ជាដុំបញ្ឍ តូចល្មមរួចដាក់ត្រាំក្នុងទឹកមួយសន្ទុះ រួចលាងទឹកឲ្យស្អាត។
• ពេលមាន់ស្ងោឆ្អឹនហើយ ស្រង់មាន់ចេញ រួចដាក់ស្ករ អំបិល ប៊ីចេង ទឹកត្រីចូលក្នុងទឹកស្ងោមាន់។
• បន្ទាប់មកដាក់ត្រយោងចេកចូលទុកឲ្យពុះ។
• យកសាច់មាន់ដែលស្ងោឆ្អឹនទៅហែកជាដំធំល្មម រួចយកទៅដាក់ក្នុងឆ្នាំងសម្លរ (ពេលទឹកកំពង់ពុះ) រួចកូរឲ្យសព្វ ទុកឲ្យពុះជាការស្រេច។
• ពេលទទួលទាន ដួសសម្លរដាក់ចាន រួចដាក់ក្រួចឆ្មា ស្លឹកជី និងម្ទេស តាមចំនូលចិត្តជាការស្រេច៕