របៀបធ្វើ ខជើងមាន់

• គ្រឿងផ្សំ
• ជើងមាន់ ១ គីឡូ
• សៀងខ្មៅ កន្លះខាំ
• មើមខ្ញីចិញ្រ្ចាំ ១ ខាំ
• ខ្ទឹមសចិញ្រ្ចាំ ១​ ខាំ
• ម្ទេសផ្អែម ៥ ផ្លែ
• ផ្កាចាន់ ឫ ប៉ូចកាក់ ១០ ផ្កា
• ស្ករត្នោត ២ ស្លាបព្រាបាយ
• ទឹកប្រេងខ្យង ៥ ស្លាបព្រាបាយ
• ស្រា ស​ កន្លះពែង
• ប្រេងឆា ១ដប
• របៀបធ្វើ
• ប្រឡាក់ជើងមាន់នឹងស្រា ស​ កន្លះពែង ចំនួនមួយម៉ោង ហើយដាក់ស្ងោរ ឲ្យផុយទន់ស្បែក ទើបស្រង់ចេញហើយសម្រស់ទឹកឲ្យស្ងួត។
• ដាំប្រេងឆាក្នុងខ្ទះ ដាំឲ្យក្តៅ ហើយបំពងជើងមាន់ ឲ្យក្រឡោតពងស្បែក ឡើងក្រហមស្អាត ឡើងក្រហមស្អាត ទើបស្រង់ចេញដួសទុកឲ្យត្រជាក់។ ពេលបំពង សូមគ្របគម្របកុំខាន ដើម្បីកុំឲ្យខ្លាញ់ផ្ទុះ រលាកដៃ ឫ មុខ។ យកល្អ សូមប្រើគម្របឆ្នាំងដែលថ្លាដូចកញ្ចក់ ងាយមើលឃើញជើងមាន់បំពងខាងក្នុង។
• ក្នុងឆ្នាំងថ្មីមួយ សូមដាក់ស្ករត្នោត កូរឲ្យក្រហម ឡើងជ័រជើងអង្ក្រង រួចដាក់ ខ្ទឹម ស ចិញ្រ្ចាំ និង មើមខ្ញី ចិញ្ច្រាំ ចូល កូរឲ្យឈ្ងុយទើបចាក់ ស្រា ស ១ វែក ថែមទឹកប្រេងខ្យង សៀងខ្មៅ ផ្កាចាន់ ( ឫ ប៉ូចកាក់) ចូលថែមទៀត កូរឲ្យសព្វ។
• ចាក់ជើងមាន់បំពងចូល កូរឲ្យចូលជាតិ ហើយថែមទឹក​ ដាក់ខ​ ឲ្យចូលជាតិ រហូតផុយទន់ស្បែកជើងមាន់។​ បើមិនទាន់ផុយ​ សូមថែមទឹកទៀតរម្ងាស់ទាល់តែផុយ រួចភ្លក្សថែមថយគ្រឿង តាមចំណូលចិត្តត្រូវការ។
• នៅពេលដួសបរិភោគក្តៅ សូមរោយម្ទេសផ្អែម និង ស្លឹកខ្ទឹម។ បើសិនជា ខ ត្រជាក់ សូមដួសដាក់ចាន ចំហុយជាមួយម្ទេសផ្អែម និង ស្លឹកខ្ទឹមនោះនឹងមានរសជាតិកាន់តែឆ្ងាញ់៕