ខាងក្រោមនេះ គឺជាវិធីធ្វើ ស៊ុប ស៊ុតប៉េងប៉ោះ អោយមានឱជារសឈ្ងុយឆ្ងាញ់ ពិសារ សម្រាប់ក្រុមគ្រួសារ ក៏ ដូចជាសម្រាប់ទទួលក្នុងពិធីនានាផងដែរ ។
- គ្រឿងផ្សំ
- ស៊ុត ២គ្រាប់គោះដាក់ក្នុងចាន
- ប៉េងប៉ោះ ២ផ្លែចិតសំបកចេញហាន់តូចៗ
- ខ្ទឹមសចិញ្ច្រាំ ១កន្លះស្លាបព្រាបាយ
- ប្រេងឆា ១ស្លាបព្រាបាយ
- ទឹកស៊ុបមាន់ ១លីត្រ
- ទឹកស៊ីអ៊ីវ ១ស្លាបព្រាកាហ្វេ
- ទឹកម្សៅមី ១ស្លាបព្រាបាយ
- ស្លឹកខ្ទឹមហាន់ កន្លះស្លាបព្រាបាយ
- វិធីធ្វើ
- ដំបូងដាក់ប្រេងឆាចូលក្នុងឆ្នាំងដាក់ភ្លើងឲ្យក្តៅបន្តិចសិនចាំដាក់ខ្ទឹមសចូលឆាឲ្យឈ្ងុយ។
- បន្ទាប់មកដាក់ទឹកស៊ុបមាន់ចូលរួចដាំវាឲ្យពុះទើបដាក់ប៉េងប៉ោះ និងទឹកស៊ីអ៊ីវចូល។
- បន្ទាប់មកទៀតដាក់ភ្លើងតិចៗរំងាស់វាប្រហែលជា កន្លះម៉ោងទើបបិទភ្លើង។
- បន្ទាប់ពីបិទភ្លើងភ្លាមត្រូវដាក់ស៊ុតចូលភ្លាម (ពេលដាក់បណ្តើរកូរបណ្តើរ) រួចដាក់ទឹកម្សៅមីចូលកូរបញ្ចូលគ្នាឲ្យសព្វ បង់ស្លឹកខ្ទឹមតាមក្រោយជាការស្រេច៕
0 comments:
Post a Comment